Rajoni

Ndërroi jetë publicisti Ramiz Kelmendi

Publicisti i njohur kosovar, Ramiz Kelmendi, dje ka ndërruar jetë, në moshën 86-vjeçare.

ramiz-kelmendi

Lajmin për vdekjen e Kelmendit e ka dhënë gazetari Adriatik Kelmendi, nëpërmjet një njoftimi në rrjetin social Facebook.

“Me pikëllim të thellë e zemër të thyer, të dashur familjarë, miq e dashamirë, ju njoftoj se sonte u nda nga jeta axha im, që e kisha shumë më shumë se axhë, Ramiz Kelmendi, në moshën 86-vjeçare”, ka shkruar Kelmendi, transmetojnë mediat kosovare.

I ndjeri Ramiz Kelmendi njihet si shkrimtar, publicist e gazetar, i cili është autor i disa romaneve, teksteve shkollore, dramave, fejtoneve etj. Ndër veprat e tij më të njohura janë: “Shtatë persona ndjekin autorin”, “Vija e vrragë”, “Abrakadabra”.