Maqedoni

“STS Tekstajlls” gjerman do të investojë në Veles, 1.000 punësime të reja

Njëmijë vende të reja pune do të hapen me investimin e kompanisë gjermane “STS Tekstajlls” e cila do të hapë fabrikë për prodhimin e tekstilit teknik dhe industrial në Veles.

top

Fabrika do të vendoset në hapësirat e ish-fabrikës “Nonça Kamishecva” e njohur si ish “Svilara”.

Në fillim do të punësohen 50 persona, ndërsa në pesë vitet e ardhshme planifikohet të angazhohen deri në 1.000 persona, Investimi i parë vlerësohet në rreth 4 milionë euro, ndërsa në pesë vitet e ardhshme do të investohen deri në shtatë milionë euro.

Pronari i “STS Tekstajlls” planifikon që me prodhimin në Maqedoni të fillojë veçmë për një deri në dy javë, ndërsa tërë prodhimi do të importohet në Gjermani, Francë, Itali dhe Poloni.

Marrëveshja për investim u nënshkrua sot në Shkup. Në nënshkrim morën pjesë zëvendëskryeministri për çështje ekonomike Vlladimir Peshevski dhe ministri pa portofol për tërheqjen e investimeve të huaja Xheri Naumov, të cilët drejtpërdrejtë janë përfshirë në negociatat, pronari i kompanisë gjermane Markus Tuç, si dhe lideri i VMRO-DPMNE-së Nikolla Gruevski.