Maqedoni

Sela: Zaev mbështet kandidaturat kriminale

Kryetari i Aleancës për Shqiptarët, Ziadin Sela, ka komentuar zërat për lëshimin e Qeverisë. Ai për Tv Shenja ka thënë se kjo është një propagandë e BDI-së, qëllimi i së cilës është që t’i hutojë votuesit.

ziadinsela

Ai ka folur edhe për deklaratat e kryeministrit, i cili është i gatshëm që ta zgjerojë Qeverinë.

“Të hyjnë Menduh Thaçi dhe Ali Ahmeti…Harroi ta ftojë edhe Nikolla Gruevski të bëhet tamam. Çdo ditë ky njeri e humb autoritetin e reformatorit, duke e parë parasysh që u jep mbështetje kandidaturave kriminale”, ka thënë Sela, gjatë një debati televiziv.

Ai e ka mbështetur këtë duke thënë se Zaev publikisht doli me mbështetje për kandidatin e BDI-së në Gostivar dhe në disa komuna tjera.