Maqedoni

Fqinji me çekiç vret një person dhe plagos katër anëtarë tjerë të familjes

Një person është vrarë ndërsa katër të tjerë janë lënduar në qytetin e Velesit.

policia280

Policia njofton se rreth orës 03:00 pas mesnate S.V (46) me dhunë është futur në shtëpinë e bashkëfshatarit të tij D.N (66) me të cilin ka pasur marrëdhënie jo të mira.
S.V me një çekiç dhe levë u ka shkaktuar lëndime në kokë D.N., bashkëshortes së tij L.N (55) dhe vajzës 31-vjeçare, të cilët kanë qenë në katin e parë.
Më pas ai ka vazhduar në katin e dytë ku ka jetuar vëllau i D.M.
Fqinji sipas policisë, transmeton SHENJA, ka sulmuar edhe vëllaun T.N (63) dhe bashkëshorten V.N (53).
Të gjithë të lënduarit janë dërguar në spital, ndërsa D.N nuk ka arritur tu mbijetoj plagëve.
Për shkak të seriozitetit të lëndimeve bashkëshortja e të ndjerit me urgjencë është dërguar në Qendrën Klinike në Shkup.
Nga MPB informojnë se sulmuesi është arrestuar, ndërsa policia po punon në zbardhjen e plotë të rastit.